Sot në mbyllje të Projektit ”PEOPLE FIRST”. Falë këtij projekti të (USAID), Ambasadës suedeze në Shqipëri, dhe The HeadHunter, Universiteti Mesdhetar i Shqipërisë dha kontributin e tij, në ofrimin e trajnimeve për profesionet që lidhen me fushën e turizmit. Në këtë mënyrë ndihmohen të rinjtë të cilët aspirojnë të punësohen në fushën e turizmit dhe në të njëjtën kohë industrisë së turizmit i ofrohen kandidatura më të formuara profesionalisht. Duke marrë parasysh nevojat që tregu i punës ka për të punësuar profesionistë me një formim të lartë, mund të themi se ky projekt është një shembull pozitiv dhe që do të ketë një impakt shumë të rëndësishëm. Universiteti Mesdhetar i Shqipërisë, ashtu siç ka bërë që prej themelimit të tij, do të vazhdojë të kontribuojë dhe të mbështesë iniciativa të tilla. Turizmi është një degë me rëndësi të veçantë për ekonominë shqiptare. Turizmi vitet e fundit është shndërruar në një prej sektorëve më dinamikë të ekonomisë së vendit, me mundësi për zhvillim të mëtejshëm në vitet në vazhdim. Në të ardhmen gjithmonë e më shumë industria e turizmit do të ofrojë mundësi punësimi për të rinjtë, duke kontribuar në këtë mënyrë në zhvillimin ekonomik të vendit. Për këto arsye, çdo projekt që lidhet me zhvillimin e turizmit si një prej komponentëve kryesorë të një zhvillimi afatgjatë dhe të qëndrueshëm, është jo vetëm i mirëpritur, por duhet mbështetur dhe promovuar.

Sot Qendra "Mesdheu" e Universitetit Mesdhetar të Shqipërisë dhe Qendra për Studime të Krahasuara dhe Ndërkombëtare filluan zbatimin e njërit nga komponentët e projektit IPA CBC Maqedoni-Shqipëri "Projekti i zhvillimit të sipërmarrjeve të vogla të grave në zonat ndërkufitare". Projekti drejtohet nga Center for Change Management në Shkup. Qendra Mesdheu dhe stafi i saj profesionist gjatë zbatimit të projektit kanë përgjegjësinë e trajnimit të 50 grave dhe vajzave që duan të fillojnë një biznes dhe 25 gra e vajza të tjera që tashmë kanë një biznes e duan ta zhvillojnë më tej atë. Profesorët e UMSH, ekspertë të zhvillimit të start-up dhe re-startup, për gjatë një viti do t’i këshillojnë, t’i mentorojnë gratë e vajzat në qytetin e Elbasanit deri në realizimin me sukses të planeve të biznesit me qëllim regjistrimin e biznesit dhe zhvillimin e planeve të investimit. Fillon kështu një projekt i rëndësishëm në ndihmë të nismave sipërmarrëse të grave e vajzave në Elbasan për ti fuqizuar ato, ...dhe jo vetëm ekonomikisht, por realizimi i një marrëdhënie të qëndrueshme e Universitetit dhe Biznesit, që ushqehet e rritet si model zhvillimi për brezat e studentëve që studiojnë çdo ditë në Universitetin Mesdhetar të Shqipërisë.

Takimi i II-të i Fokus Grupit në kuadër të projektit “Adrion Future 4.0” u zhvillua në ambientet e Universitetit Mesdhetar të Shqipërisë. Në këtë aktivitet, morën pjesë 20 biznese të fushës, profesorë të Universitetit Mesdhetar të Shqipërisë, Universitetit të Durrësit dhe Vlorë, të cilët kanë inxhinierinë Navale dhe Transportin Detar, pjesë të kurrikulave. Takimi u moderua nga Nevila Xhindi, drejtuese e Zyrës së Projekteve në UMSH. Rektori i Universitetit Mesdhetar të Shqipërisë, Akademik, Prof. Dr. Gudar Beqiraj përshëndeti këtë aktivitet duke vlerësuar projektin, i cili ka në fokus punësimin e të rinjve nëpërmjet mbështetjes në institucionet rajonale dhe kombëtare të vendeve pjesëmarrëse si Italia, Kroacia, Greqia dhe Shqipëria, për të kuptuar ndikimin e megatrendeve teknologjike në industritë klasike. Në veçanti fusha e studimit të këtij projekti përfshin industrinë e transportit detar dhe ka për qëllim që përmes aplikimit të disa skemave të suksesshme të ndihmojë në hartimin e një modeli të përshtatshëm të industrisë 4.0. Pritshmeritë janë që ky model të kontribuojë për të realizuar Planet Lokale të Veprimit në industrinë e transportit detar (dhe në shërbimet plotësuese të tij) në nivel kombëtar dhe rajonal, përmes modernizimit të teknologjisë dhe në bashkëpunim me kompanitë dhe palët e interesuara...

Forum Roli strategjik i Izraelit në Mesdheun Lindor te Mesdhetari u zhvillua forumi studimor mbi rolin strategjik të Izraelit në Mesdheun Lindor. E ftuar në këtë forum znj. Avital Lebovich, keynote speaker dhe drejtoreshë e degës për Jerusalemin të “American Jewish Committee”, zv.kryetarja e Kuvendit të Shqipërisë znj. Valentina Leskaj, ambasadori i shtetit të Izraelit në vendin tonë Boaz Rodkin, etj. Në fjalën prezantuese, akademik Anastas Angjeli falenderoi të ftuarën për pjesëmarrjen duke shtuar se vizita juaj sot, e nderuar zonjë, i shkon për shtat pikërisht frymës së bashkëpunimit dhe harmoni pasi një kujtim i mirë mes dy kombesh mund të jetë veç shenjë e një begatie të ardhshme në marrëdhëniet mes tyre. Ndaj, jemi shpresëplotë se sot po marrim pjesë jo vetëm në një event të çmuar, por dhe se ky është veç njëri ndër hapat e përbashkët gjithmonë e në ngritje mes dy popujve tanë dhe Shteteve tona sovrane...

Aldo Berlinguer, profesori i Universitetit të Cagliarit, ka qenë i pranishëm ditën e sotme në Universitetin Mesdhetar në një leksion të hapur. Tema e leksionit ishte: "The economy of a cultural heritage: the case of Matera European Capital of Culture 2019". Aldo Berlinguer është i specializuar për Ligjin Evropian, Privat, Tregtar dhe Bankar, dhe metodat alternative të zgjidhjes së mosmarrëveshjeve (ADR). Ai është diplomuar në Universitetin e Sienës dhe ka studiuar dhe zhvilluar karrierën e tij profesionale në Itali dhe jashtë vendit si në Britaninë e Madhe, Francë, Spanjë, SHBA, Rusi, dhe Ukrainë...

Si do mbështeten idetë e biznesit të studentëve nga Shqipëria e rajoni përmes platformave dixhitale ndëruniversitare. Të rinjtë dhe bashkëpunimi rajonal nëpërmjet teknologjisë dhe inovacionit, mundësitë e reja për të zgjeruar tregun e përbashkët si dhe nxitjen e edukimit të mëtejshëm në funksion të mbështetjes së sipërmarrjes universitare. Këto ishin disa nga tematikat kryesore që u diskutuan në Forumin për “Politikat e BE dhe mundësitë e bashkëpunimit në territorin e BE, të fokusuara në teknologjinë, inovacionin dhe rininë e hapsirës Adriatiko-Joniane”...