Projektet
Emri i projektit:Grant Agreement No 101131525 — Y-O MODEL
Kohëzgjatja: 2024-2026
Projekti Y-Os MODEL ka për qëllim të krijojë një model të ri për angazhimin e rinisë si një grup vëzhgues në politikë dhe shoqëri, i quajtur 'Y-Os'. Ky projekt bën bashkë të rinjtë nga Shqipëria, Maqedonia e Veriut, Kosova dhe Italia, duke kontribuar në inkurajimin e dialogut politik, bashkëpunimit, krijimin e rrjeteve dhe shkëmbimin e praktikave më të mira, duke rritur kapacitetet e rinisë dhe promovuar bashkëpunimin strategjik midis organizatave rinore. Y-Os do të angazhohet për të promovuar rezultatet e politikave rinore në vend dhe për të zhvilluar një kanal komunikimi dhe bashkëpunimi me politikëbërjen. Duke dëgjuar aktivisht mendimet e Y-Os dhe duke i marrë parasysh ato në formulimin e politikave, institucionet demokratike mund të tregojnë respekt për aftësinë e rinisë për të marrë pjesë në debatet politike. Y-Os është mjeti që do të përdoret për të ndikuar angazhimin e rinisë në politikë. Projekti do të përzgjedhë 75 pjesëmarrës (15 për shtet) përmes një thirrjeje të hapur, duke siguruar përfaqësim nga komunitetet e margjinalizuara dhe grupet e ndryshme duke përfshirë akademinë, shoqërinë civile, mediat, biznes, forume politike rinore etj.
Emri i projektit: Ndërlidhësit mes Universitetit dhe Shoqërisë në Shqipëri: Prodhimi i përbashkët i njohurive dhe kërkimeve që kanë rëndësi - U-SIA
Kodi i projektit: 618997-EPP-1-2020-1-AL- EPPKA2-CBHE-JP Kohëzgjatja: 2021-2023
Qendra Mesdheu për periudhën Janar 2021- Maj 2023 ka qenë lider i projektit Erasmus + CBHE “U-SIA”, projekt i financuar nga BE. Projekti ka ndërtuar me sukses lidhje të forta midis partnerëve, si dhe me projekte dhe institucione të tjera në Shqipëri dhe jashtë saj, çka është një forcë kyçe e tij duke rezultuar në efekte përtej kufijve dhe projekte dhe nisma të reja të përbashkëta. Nëpërmjet projektit “U-SIA”, bashkëpunimi midis akademisë dhe shoqërisë ka arritur nivele të reja, duke ofruar mundësi të zgjeruara lëvizjeje për hulumtues të rinj për të qarkulluar midis akademisë, sektorit të biznesit, sektorit publik, shoqërisë civile dhe medias. Projekti gjithashtu ka prodhuar modele për bashkëprodhim të njohurive dhe hulumtimeve, si dhe udhëzime dhe praktika më të mira. U-SIA ka përforcuar me efikasitet kapacitetet institucionale dhe kapitalin human në Institucionet e Arsimit të Lartë në Shqipëri, me krijimin e njësive USIA, programin e ndërtimit të kapaciteteve, modele, udhëzime, praktikat më të mira, strategjitë dhe programe pilot bashkëpunimi, duke kontribuar kështu në modernizimin e qeverisjes së IAL-ve dhe integrimin e tyre në Zonën Evropiane të Arsimit të Lartë. Projekti u zbatua në bashkëpunim me 11 partnerë nga Shqipëria, Italia, Serbia dhe Gjermania dhe ishe i organizuar në 9 paketa pune. Projekti USIA u mbyll me suksese dhe u auditua me rezultate maksimale nga BE.
Emri i projektit: Rrjeti Europian për Shtetësinë Mjedisore
Kodi i projektit: Action/CA16229 Kohëzgjatja: 2017-2021
Rrjeti Evropian për Qytetari Mjedisore (ENEC) synonte të përmirësonte kuptimin dhe vlerësimin e qytetarisë mjedisore në shoqëritë evropiane dhe vendet pjesëmarrëse në projekt. Shtetësia Mjedisore ishte një faktor kyç në strategjinë e rritjes së BE-së (Europa 2020) dhe vizionin e saj për zhvillimin e qëndrueshëm, ekonominë e gjelbër dhe shoqërinë me karbon të ulët (Udhërrëfyesi i BE-së 2050). Synimi i “Rrjeti i Integruar i Veprimit” ishte të zvogëlonte barrierat mes shkencave njerëzore, ekonomike, sociale, politike dhe mjedisore duke shumëzuar njohuritë, ekspertizën, hulumtimet dhe njohuritë e aktorëve të ndryshëm (studiues, mësues, praktikantë, zyrtarë të politikave, OJQ etj) lidhur me Shtetësinë Mjedisore. U shqyrtuan dimensionet e ndryshme makro- dhe mikro-nivelet e arsimit formal dhe jo-formal që mund të çojnë në Shtetësinë Mjedisore. Ky projekt si produkt final konceptoi dhe kornizoi Shtetësinë Mjedisore, si dhe zhvilloi paradigma dhe metrika të reja kërkimore për vlerësimin e Shtetësisë Mjedisore. U theksuan dhe promovuan shembuj të mirë dhe praktika më të mira edukative që sjellin qëndrime, sjellje dhe vlera pro-mjedisore, sikundër u propozuan masat dhe rekomandimet e politikave të nevojshme.
Emri i projektit: Bashkëpunimi Transnacional Për Bullizmin, Migracionin dhe Integrimin në Shkollë
Kodi i projektit: Actions/CA18115 Kohëzgjatja: 2019-2023
Ky projekt kishte për qëllim të rriste bashkëpunimin midis palëve të interesuara për të përmirësuar dhe pilotuar masat dhe qasjet shkencore të reja të botës reale, të mbledhin ndërhyrjet dhe qasjet e vlerësuara rreth përfshirjes dhe parandalimit të ngacmimeve për të shpërndarë një program/ udhëzues gjithëpërfshirës për shkollat dhe një politikë udhëzuese, dokument për autoritetet, për ndërtimin e kapaciteteve dhe duke punuar në mënyrë holistike për të siguruar integrimin, sigurinë dhe mirëqenien e të gjithë nxënësve në shkollat e mesme të BE-së, për të ndihmuar në stabilitetin shoqëror të individit dhe shoqërisë. Krijimi i një rrjeti bashkëpunues për të nxitur, ndarë dhe mbështetur një bazë të njohurive dhe përparimeve kërkimore mbi mënyrën (i) se si faktorët social, teknologjik dhe fizik ndikojnë në sigurinë/ integrimin në (ii) aplikimin dhe vlerësimin e qasjeve të ndërhyrjes për të përmirësuar termat refugjat/ migrant/ integrimin etnik dhe të zvogëlojë ngacmimin/ dhunën, përmes ndër-bashkëpunimit dhe integrimin e grupeve punuese.
Titulli i projektit: Manufacturing Education and Training Governance Model for Industry 4.0 in the Adriatic- Jonian Area- FUTURE4.0
Kodi i projektit: 1299/2013 Kohëzgjatja: 2018-2020
Qendra Mesdheu ka bashkëpunuar me 105 ndërmarrje (kryesisht SME të lidhura me sektorin e Ekonomisë Blu), nëpërmjet zbatimit të Projektit Adrion Interreg duke ofruar zgjidhje të reja për përfshirjen e Industrisë 4.0. në këto ndërmarrje. Kompanitë dhe organet relevante të hulumtimit u përfshinë që në fazat fillestare të projektit dhe sëbashku me stafin e QM përdorën mjete të reja të planifikimit strategjik për të ndihmuar në parashikimin e të ardhmes ndryshe dhe krijimin e organizmave më aktive për t’u testuar në universitete, kompani, aktorë dhe palë interesi në çdo vend, duke aplikuar qasjen Triple Helix - një grup ndërveprimi midis akademisë, industrisë dhe qeverive.
Emri i projektit: Young Toward Europe
Kodi i projektit: IPA 2014/AL/18 Kohëzgjatja: 2019-2020
Nën udhëheqjen e Qendrës Mesdheu, projekti “Young Toward Europe” u zbatua si bashkëpunim midis organizatave shqiptare dhe bullgare. Projekti synonte mbështetjen e Shqipërisë në procesin e integrimit në BE, duke vënë në fokus rritjen e vetëdijes publike dhe shpërndarjen e informacionit mbi procesin e integrimit në BE, vlerat dhe institucionet kyçe të BE, tek të rinjtë e Republikës së Shqipërisë. Të rinjtë në universitete duhet të jenë më të informuar për programet rinore si Erasmus për të gjithë, Erasmus HR, për të marrë pjesë aktive në shoqëri, për të njohur më mirë të drejtat e tyre sociale etj. që të mund të jenë më të angazhuar në programet e shkëmbimit të BE-së si Erasmus HE. QM siguroi qasje në universitete, institucione dhe organizata komunale qeveritare dhe lokale; në organizatat e shoqërisë civile në Tiranë, Durrës, Elbasan, Shkodër, Peshkopi, Korçë, Berat, Vlorë, Gjirokastër, duke angazhuar studentë, liderë të rinj qytetarë dhe politikë si dhe figurat publike në aktivitete të të mësuarit dhe ndërgjegjësimit.
Emri i projektit: Microenterprise Development Project for Women in Cross-Border Area
Kodi i projektit: IPA/2017/395-121 Kohëzgjatja: 2018-2019
Projekti “Microenterprise Development Project for Women in Cross- Border Area” u zbatua në qytetin e Elbasanit dhe kishte në fokus Sipërmarrjen Femërore. Qendra Mesdheu siguroi angazhimin e ekspertëve për trajnimin dhe zhvillimin e planeve të investimeve për mikro- ndërmarrjet në pronësi të grave. Qëllimi i projektit ishte rritja e pjesëmarrjes së grave në aktivitetin e biznesit dhe kontributi në fuqizimin e tyre të mëtejshëm. Duke marrë në konsideratë politikat e punësimit, qasja dhe kontributi i QM në këtë projekt ishte gjithashtu i lidhur ngushtë me objektivat e përbashkëta për barazinë mes grave dhe burrave, të cilat konsiderohen gjeografikisht dhe politikisht dhe në kuadrin evropian.
Emri i projektit – Profesionalizimi dhe Ndikimi Social i Shkencave Politike Evropiane
Kodi i projektit – Action/CA15207 Kohëzgjatja: 2016-2020
Synimi i projektit ProSEPS ishte të ndërtonte një rrjet të gjerë studiuesish, shkencëtarë dhe sociologë politikë të përfshirë në studimin krahasues të sistemeve të arsimit të lartë dhe ndërkombëtarizimin e hulumtimeve në fushën e shkencave politike. Natyra inovative e projektit qëndronte në fokusin e tij shumëdimensional: duke qenë se konceptet kyçe që u diskutuan brenda rrjetit ishin ato të Profesionalizimit dhe Ndikimit Social, studiuesit pjesë e këtij rrjeti mblodhën të dhënat dhe bënë interpretimin e tyre për të paktën katër fusha studimi: a) transformimi i subjektit akademik (madhësia e komunitetit, artikulimet e brendshme, fushat kryesore të hulumtimit, Programet PhD, etj); b) dukshmëria sociale dhe media e subjektit dhe rezultateve të tij kërkimore; c) Ndikimi i reformave në normat e lëvizshmërisë ndërkombëtare dhe qarkullimit ndërkombëtar të rezultateve të hulumtimit; d) zbatueshmëria dhe zbatimi i produkteve të shkencave politike, si dhe ndikimi social i punës së shkencëtarëve politikë.
Emri i projektit: Empowered Zone Ahead
Kodi i projektit: 2016-1400/049-001 Kohëzgjatja: 2017
Qëllimi i këtij projekti ishte përforcimi i kapaciteteve të punëtorëve të rinj me njohuri, shkathtësi dhe mjete praktike për zhvillimin e të rinjve me më pak kompetenca për të rritur punësimin në komunitetet e tyre. Zbatimi i projektit u bë i mundur nëpërmjet përbërjes së një konsorciumi me tre universitete, një qeveri lokale publike, CCI dhe OJQ të të rinjve. Një ekip prej tre udhëheqësish profesionistë, u angazhuan për të lehtësuar diskutimet e pjesëmarrësve në projekt për të kuptuar më mirë dhe për të zhvilluar aftësi të buta të nevojshme për të rritur kompetencat, në mënyrë që të rrisnin dhe shanset e tyre në tregun e punës.
Emri i projektit: Social Rights in my Hands
Kodi i projektit: 589973-EPP-1-2017-1-AL-EPPKA2-CBY-WB Kohëzgjatja: 2017-2018
92 të rinj shkëmbyen përvojat e përbashkëta, ide dhe praktika, morën aftësi praktike mbi konceptin e të Drejtave Sociale dhe përdorimit të mediave sociale, multimedias dhe fotografisë nga Projekti “Social Rights in my Hands”. Qëllimi i projektit të zbatuar nga QM ishte ngritja e vetëdijes për të drejtat sociale në mesin e të rinjve, veçanërisht për ata që janë të margjinalizuar nga shoqëria, si të rinjtë romë, njerëz me aftësi të ndryshme, apo të rinj me probleme sociale dhe ekonomike. Pjesëmarrësit, duke qenë së bashku për ditë të tëra në një mjedis ndërkulturor, ndërtuan një bashkëpunim të qëndrueshëm i cili shërbeu si pikënisje për rrjetet e ardhshme me OJQ-të dhe punonjësit e rinisë që do të promovojnë praktikat më të mira, sfidat, idetë, pengesat dhe politikat që lidhen me të drejtat sociale të të rinjve.